மர்மமான முறையில் உயிர் இழந்த பசுமாடுகள்

விருதுநகர் மாவட்டம், சிவகாசி அருகே நடையனேரி தாழிகுளத்து பட்டியை சேர்ந்தவர் அய்யனார் (48). இவர் 6 பசு மாடுகள்,3 கன்று குட்டிகள் வைத்து பிழப்பு நடத்தி வருகின்றார்.அய்யனார் வீடு அருகே கழிவுநீர் ஊற்றுவதற்காக ஒரு ட்ரம் இருந்துள்ளது. அந்த ட்ரம்மில் ஊரில் உள்ளவர்கள் கழிவு நீர் தண்ணீரை ஊற்றி செல்வார்கள் என கூறப்படுகிறது.

அய்யனார் தனது சினைபிடித்த 2 பசு மாடுகளை ட்ரம்மில் இருந்த தண்ணீரை குடிக்க வைத்துள்ளார்.சிறிது நேரத்தில் 2 பசுமாடுகளும் மயங்கி கீழே விழுந்துள்ளது.உடனடியாக கால்நடை டாக்டரை வரச் சொல்லி சிகிச்சை அளித்துள்ளார்.ஆனால் சிகிச்சை பலனின்றி 2 பசு மாடுகளும் உயிரிழந்து விட்டன. இந்த மாடுகளின் மதிப்பு ரூ.80ஆயிரம் இருக்கும் என்று கூறப்படுகிறது.இச்சம்பவம் குறித்து எம்.புதுப்பட்டி போலீசார் வழக்கு பதிவு செய்து விசாரித்து வருகின்றனர்.