பொய்கை மாட்டுச்சந்தையில் ரூ.1½ கோடிக்கு மாடுகள் விற்பனை!

வேலூரை அடுத்த பொய்கையில் நடந்த மாட்டுச்சந்தையில் அதிக அளவில் மாடுகள் விற்பனைக்காக கொண்டு வரப்பட்டிருந்தன. தேர்தல் நடைமுறை காரணமாக ரூ.50 ஆயிரத்துக்கு மேல் கொண்டு செல்லமுடியாத காரணத்தால் கடந்த வாரம் விற்பனை மந்தமாக இருந்தது. அதனால் சந்தைக்கு மாடுகள் வாங்க வந்தவர்கள் ஒரு மாடு வாங்க 4 பேர் வந்தனர். அவர்கள் ஒவ்வொருவரும் தலா ரூ.50 ஆயிரம் கொண்டு வந்து மாடுகளை வாங்கினர். இதனால் நேற்று மாடுகள் விற்பனை அமோகமாக இருந்தது.சுமார் ரூ.1½ கோடிக்குமேல் மாடுகள் விற்பனையானதாக வியாபாரிகள் தெரிவித்தனர்.