இந்தியா சிமெண்ட்ஸ் சார்பில் கட்டிட என்ஜினீயர்களுக்கு கிரிக்கெட் போட்டி

தி இந்தியா சிமெண்ட்ஸ் நிறுவனம் சார்பில் கட்டிட என்ஜினீயர்களுக்கான புரோ லீக் சீசன்-2 கிரிக்கெட் போட்டி சூரமங்கலம் நீலாம்பாள் சுப்ரமணியம் மேல்நிலைப்பள்ளியில் தொடங்கியது. அருள் எம்.எல்.ஏ. தொடங்கி வைத்தார். இதில் கட்டிட என்ஜினீயர்கள் பங்கேற்றனர். இன்று போட்டிகள் நிறைவடைகிறது. மாநில விற்பனை பிரிவு துணைத்தலைவர் ஈஸ்வரன், மார்க்கெட்டிங் தலைவர் இனியவன், கட்டிட பொறியாளர்கள் சங்க கூட்டமைப்பு தலைவர் ராஜேஷ், ஸ்போர்ட்ஸ் கமிட்டி தலைவர் ஜெயபிரகாஷ் உள்பட பலர் பங்கேற்றனர். ஏற்பாடுகளை இந்தியா சிமெண்ட்ஸ் சேலம் மண்டல விற்பனை பிரிவு அதிகாரிகள் செய்திருந்தனர்.