இருசக்கர வாகனத்திலிருந்து கிழே விழுந்து உயிரிழப்பு

மதுரை மாவட்டம், அழகர் கோவில் தொப்புலாம்பட்டியை சேர்ந்தவர் மலையாளன் வயது 60. இவரது மனைவி சின்னப்பொண்ணு வயது 53. இவர் கடந்த 17ஆம் தேதி தனது மகன் மூர்த்தி மற்றும் பேரன் அருண்குமார் உடன் இருசக்கர வாகனத்தில் பின்னால் அமர்ந்து கொண்டு சாணார்பட்டிக்கு சென்று கொண்டிருந்தார்.

இருசக்கர வாகனத்தை மூர்த்தி ஓட்டி சென்றார். மதுரை சாலையில் உள்ள வீமாஸ் நகர் பகுதியில் வந்து கொண்டிருந்தபோது கட்டுப்பாட்டை இழந்த பைக் திடீரென சாலை ஓரத்தில் கவிழ்ந்தது.

இதில் பலத்த காயம் அடைந்த சின்ன பொண்ணு சிகிச்சைக்காக நத்தம் அரசு மருத்துவமனையில் சேர்க்கப்பட்டு மேல் சிகிச்சைக்காக மதுரை அரசு மருத்துவமனையில் அனுமதிக்கப்பட்டார்.

ஆனால் அங்கு சிகிச்சை பலனளிக்காமல் சின்ன பொண்ணு உயிரிழந்தார். மேலும் இச்சம்பவம் குறித்து நத்தம் காவல் நிலைய போலீசார் வழக்கு பதிவு செய்து விசாரணை மேற்கொண்டு வருகின்றனர்.