போலீசாருக்கு கொலை மிரட்டல்: தந்தை, மகன் உள்பட 3 போ் கைது

தூத்துக்குடி மாவட்டம் கோவில்பட்டி கிழக்கு காவல் நிலைய போலீஸ்காரா் சண்முகம் சம்பவத்தன்று அதிகாலை ரோந்துப் பணியில் ஈடுபட்டாராம். அப்போது கடலைக்காரத் தெருவில் உள்ள பெண்கள் தையலகம் முன்பு பெண் மற்றும் அவரது சகோதரா்களிடம் தகராறு செய்து கொண்டிருந்த கும்பலை கண்டித்து தடுத்ததாக கூறப்படுகிறது.

அப்போது அந்தக் கும்பல் போலீசாரை அவதூறாகப் பேசி தாக்கி பணி செய்ய விடாமல் தடுத்ததோடு கொலை மிரட்டல் விடுத்தாா்களாம். இதுகுறித்து போலீசார் அளித்த புகாரின் பேரில் கிழக்குக் காவல் நிலைய போலீசார் வழக்குப் பதிந்து விசாரணை நடத்தி, கோவில்பட்டி கருணாநிதி நகரைச் சோ்ந்த மாரியப்பன் மகன் கருப்பசாமி (45), அவரது மகன் பாலமுருகன் (23), அதே பகுதியைச் சோ்ந்த ராமா் மகன் சுடலைமணி (33) ஆகிய 3 பேரையும் கைது செய்தனர்.