மேட்டூர் அணைக்கு நீர்வரத்து சரிவு

சேலம் மாவட்டம், மேட்டூர் அணைக்கு நீர்வரத்து தொடர்ந்து சரிந்து வருகிறது. காவிரி நீர் பிடிப்பு பகுதிகளில் மழை குறைந்து வருவதால் மேட்டூர் அணைக்கு நீர்வரத்து நேற்று வினாடிக்கு 1,978 கன அடியில் இருந்த நிலையில் இன்று 1,896 கன அடியாக குறைந்துள்ளது. மேட்டூர் அணையின் நீர்மட்டம் 70.03 அடியில் இருந்து 70.18 அடியாக உயர்ந்துள்ளது.நீர் இருப்பு 32.85 டிஎம்சியாக உள்ளது. குடிநீர் தேவைக்காக வினாடிக்கு 250 கன அடி தண்ணீர் அணை மின் நிலையம் வழியாக வெளியேற்றப்பட்டு வருகிறது.