சேதுபாவசத்திரத்தில் திரவ நுண்ணுயிரி உரம் தெளிப்பு செயல்விளக்கம்

தஞ்சாவூர் மாவட்டம், சேதுபாவாசத்திரம் வட்டாரம், பெருமகளுா் பகுதிகளில் பாசன நீரின்றி காயும் நெற்பயிர்களைக் காப்பாற்ற அட்மா திட்டத்தின் கீழ் டிரோன் மூலமாக திரவ நுண்ணுயிரி உரம் செயல்விளக்கம் 25 ஏக்கர் பரப்பளவில் தெளிப்பு மேற்கொள்ளப்பட்டது.

இது குறித்து, சேதுபாவாசத்திரம் வட்டார வேளாண்மை உதவி இயக்குநா் ஜி.சாந்தி., வெளியிட்டுள்ள செய்திக்குறிப்பில் கூறியிருப்பதாவது:- நெற்பயிர்கள் போதிய மழை மற்றும் பாசனநீர் பற்றாக்குறையால் நீரின்றி காய்ந்து போகும் சூழ்நிலை ஏற்பட்டுள்ளது. இந்த நிலையில் வேளாண்மை உற்பத்தி ஆணையர், வேளாண்மை இயக்குநா் மற்றும் மாவட்ட ஆட்சியரின் அறிவுறுத்தலின் பேரில் வேளாண்மைத்துறை,

தோட்டக்கலைத்துறை, வேளாண் பொறியியல் துறை, நீர்வள ஆதாரத்துறை அடங்கிய கிராம அளவிலான நுண்ணிய செயல் திட்ட குழு அமைக்கப்பட்டது. இந்த குழு கள ஆய்வு செய்தது. இந்த குழுவின் பரிந்துரையின்பேரில் பிங்க் பிக்மென்டட் பேக்டில்டேட்டிவ் மெத்திலோ பாக்டீரியா (PPFM) என்ற திரவ நுண்ணுயிரி மருந்து 25 ஏக்கர் பரப்பளவில் டிரோன் மூலம் தெளிக்கப்பட்டது.

டிரோன் மூலம் தெளிக்கப்பட்டுள்ள திரவ நுண்ணுயிரி மருந்து நீர் இல்லாத சூழலிலும் இலை மூலம் நீர் ஆவியாதலை தடுத்து 15 நாட்கள் முதல் 20 நாட்கள் வரை நெற்பயிர்கள் தாங்கி வளர உதவி புரியும். இதற்கான ஏற்பாடுகளை துணை வேளாண்மை அலுவலர் து.சிவசுப்பிரமணியன், அட்மா திட்ட அலுவலர்கள் மோ.சுரேஷ், ஆ.தமிழழகன், சி.ஜெயக்குமார், உதவி வேளாண்மை அலுவலர்கள் ஆ.நிவாசன், எம்.பிரதீபா மற்றும் பயிர் அறுவடை பரிசோதனையாளர் ச.அபர்ணா ஆகியோர் ஏற்பாடு செய்திருந்தனர்.