கலை பண்பாட்டுத்துறை ஜவகர் சிறுவர் மன்றம் வகுப்புகள் தொடக்கம்

திருவண்ணாமலை மாவட்டம், வந்தவாசி அரசினர் ஆண்கள் மேல்நிலைப் பள்ளியில் தமிழக அரசின் கலைப் பண்பாட்டுத் துறையின் ஜவகர் சிறுவர் மன்றம் சார்பில் வாய்ப்பாட்டு, கீபோர்டு, ஓவியம், சிலம்பம் உள்ளிட்ட பல்திறன் பயிற்சி வகுப்புகள் தொடங்கப்பட்டன. இந்த நிகழ்ச்சியில் புரிசை தெருக் கூத்து கலைஞர் கலைமாமணி சுப்பிரமணிய தம்பிரான் பங்கேற்று சிறப்புரை ஆற்றினார்.

திட்ட அலுவலர் மாம்பட்டு பெ. பார்த்திபன், சிலம்பு பயிற்சியாளர் பெருமாள், ஓவிய ஆசிரியர் சரவணன், தபேலா இசைக் கலைஞர் ஜேம்ஸ் உள்ளிட்டோர் கலந்து கொண்டு வாழ்த்துரை வழங்கினார். இந்த பயிற்சி வகுப்பில் பல்வேறு பள்ளிகளை சேர்ந்த 100 க்கும் மேற்பட்டோர்பங்கேற்றனர். ஒவ்வொரு வாரமும் சனிக்கிழமை மற்றும் ஞாயிற்றுக்கிழமைகளில் இதற்கான பயிற்சி வகுப்புகள் நடைபெற உள்ளதாக தெரிவிக்கப்பட்டுள்ளது.