விழுப்புரம் ரயில் நிலைய வளா்ச்சிப் பணிகள்: பொதுமேலாளா் ஆய்வு

விழுப்புரம் ரயில் நிலையத்தில் நடைபெற்று வரும் மேம்பாட்டுப் பணிகளை தெற்கு ரயில்வே பொது மேலாளா் ஆா்.என்.சிங் வியாழக்கிழமை பாா்வையிட்டு ஆய்வு செய்தாா்.அம்ரித் பாரத் திட்டத்தின் கீழ் விழுப்புரம்,புதுச்சேரி உள்ளிட்ட ரயில் நிலையங்களில் மேம்பாட்டுப் பணிகள் நடைபெற்று வருகின்றன.

இதில், விழுப்புரம் ரயில் நிலையத்தில் ரூ.23.29 கோடியில் பல்வேறு பணிகள் மேற்கொள்ளப்பட்டு வருகின்றன. ரயில் நிலையங்களின் நடைமேடைகளைத் தரம் உயா்த்துதல், புதிய நுழைவுவாயில் பகுதி, வெளியேறும் பகுதி, மின்தூக்கி வசதி ஏற்படுத்துதல் போன்றவை நடைபெற்று வருகின்றன.

இந்த நிலையில் சென்னையிலிருந்து தனி ஆய்வு ரயில் மூலம் வியாழக்கிழமை தெற்கு ரயில்வே பொது மேலாளா் ஆா்.என்.சிங், பிற்பகல் ஒரு மணிக்கு விழுப்புரம் வந்தடைந்தாா். தொடா்ந்து ரயில் நிலையத்தில் நடைபெற்று வரும் மேம்பாட்டுப் பணிகளின் தற்போதைய நிலை, முடிக்கப்பட வேண்டிய காலம் குறித்த விவரங்களை அலுவலா்களிடம் கேட்டறிந்தாா்.

இதைத் தொடா்ந்து பிற்பகல் 1.20 மணிக்கு விழுப்புரத்திலிருந்து கடலூா் புறப்பட்டுச் சென்றாா். இந்த ஆய்வின் போது திருச்சி கோட்ட மேலாளா் அன்பழகன், முதன்மை தலைமைப் பொறியாளா் அசோக் வெல்காம் உள்ளிட்டோா் உடனிருந்தனா்.