தேவிகுளம் கண்மாயில் மீன்பிடி திருவிழா

நத்தம் அருகே சிறுகுடி தேவிகுளம் கண்மாயில் மீன்பிடி திருவிழா ஞாயிற்றுகிழமை நடைபெற்றது. திண்டுக்கல் மாவட்டம், நத்தம் அருகே சிறுகுடி ஊராட்சியில் அனைமலைப்பட்டி செல்லும் சாலையில் உள்ளது தேவிகுளம் கண்மாய்.இக்கண்மாய் ஆயக்கட்டு தாரர்கள் சிறுகுடி, நல்லகண்டம், அனைமலைப்பட் போன்ற பகுதிகளில் உள்ள விவசாயிகள் இருந்து வருகின்றனர்.

இந்நிலையில் ஆயக்கட்டுதாரர்கள் மற்றும் கிராம பொதுமக்கள் இயற்கை சீராகவும், விவசாயம் செழிக்க வேண்டியும் மீன்பிடி திருவிழா நடத்துவது என்று தீர்மானித்தனர்.

இதையொட்டி ஞாயிற்றுகிழமை அதிகாலை அங்குள்ள கன்னிமார் கோயிலில் பொங்கல் வைத்து, உலக நன்மை வேண்டி பிரார்த்தனை செய்து ,வாணம் விட்டு மீன்பிடி திருவிழாவை ஆரம்பித்து வைத்தனர். இதில் பெண்கள், ஆண்கள், சிறுவர்கள் என கிராமத்தினர்கள் கலந்து கொண்டனர்.