மதுபானங்களை பதுக்கி விற்பனை செய்தவர் கைது

தர்மபுரி நகரப் பகுதிகளில் மது பாட்டில்களை பதுக்கி விற்பனை செய்யப்படுவதாக, தர்மபுரி நகர பி1 காவல் நிலையத்திற்கு ரகசிய தகவல் கிடைத்தது. அதன்படி, நகரப் பகுதியின் பல்வேறு பகுதிகளில் தர்மபுரி பி1 நகரை காவல்துறையினர் தீவிர ரோந்து பணியில் ஈடுபட்டனர்.

நேற்று மாலை பி1 காவல் நிலைய உதவி காவல் ஆய்வாளர் சேகர் ரோந்து சென்ற போது, தர்மபுரி நகராட்சிக்கு உட்பட்ட செங்கோடிபுரம் பகுதியில் போத்துராஜ், வயது 67, என்பவர் மது பாட்டில்களை பதுக்கி வைத்து கூடுதல் விலைக்கு விற்பனை செய்தது தெரியவந்தது. மேலும் அவரிடம் இருந்து 28 மது பாட்டில்களை பறிமுதல் செய்து, அவரை கைது செய்தனர். மேலும் வழக்கு பதிவு செய்து விசாரணை மேற்கொண்டு வருகின்றனர்.