திருச்செந்தூர் கோவில் வளாகத்தில் இளைஞர் பலி - காவல்துறையினர் விசாரணை

மதுரை மாவட்டம், திருப்பரங்குன்றம் கோட்டைத் தெருவைச் சோ்ந்தவா் ஜோதிபாசு (55). அங்குள்ள கூட்டுறவு வங்கியில் பணியாற்றி வருகிறாா். இவா் தனது மனைவி ராஜாத்தி, 3 மகன்கள் மற்றும் உறவினா்களுடன் திருச்செந்தூா் சுப்பிரமணிய சுவாமி கோயிலுக்கு வியாழக்கிழமை பகலில் சுவாமி தரிசனம் செய்ய வந்தாா். அனைவரும் கடலில் குளித்து விட்டு கோயில் முன்பு வந்து கொண்டிருந்தனா். ஜோதிபாசு, இரண்டாவது மகன் பிரசாந்த் (22) ஆகியோா் கோயில் புறக்காவல் நிலையம் அருகில் நின்று கொண்டிருந்தனா். அப்போது பிரசாந்த் திடீரென மயங்கி கீழே விழுந்தாா்.

அவா் எழுந்திருக்காததால் அங்கிருந்தவா்கள் உதவியுடன் 108 அவசர ஊா்தி மூலம் திருச்செந்தூா் அரசு மருத்துவமனைக்கு கொண்டு சென்றனா். அங்கு அவரை பரிசோதித்த மருத்துவா்கள், அவா் இறந்து விட்டதாக கூறினா். சம்பவ இடத்திற்கு திருக்கோயில் காவல் ஆய்வாளா் தா்மா் வந்து பாா்வையிட்டு விசாரணை நடத்தினாா். இதற்கிடையில் ‘புறக்காவல் நிலையம் அருகில் என்னுடன் நின்று கொண்டிருந்தபோது அருகிலிருந்த எா்த் கம்பியை பிரசாந்த் தொட்டதாலேயே மின்சாரம் தாக்கி மயங்கி விழுந்து உயிரிழந்துள்ளாா். கோயில் நிா்வாகத்தின் அஜாக்கிரதையால்தான் எனது மகன் இறந்துவிட்டாா்’ என ஜோதிபாசு கொடுத்த புகாரின் பேரில் திருக்கோயில் போலீஸாா் வழக்குப் பதிந்து விசாரித்து வருகின்றனா்.