திண்டுக்கல் மாவட்டத்தில் டிஆா்பி எழுத்துத் தேர்வு: 1,388பேர் பங்கேற்பு

ஆசிரியா் தேர்வு வாரியம் சாா்பில், பட்டதாரி ஆசிரியா், வட்டார வள மைய ஆசிரியா்களுக்கான எழுத்துத் தேர்வு தமிழகம் முழுவதும் ஞாயிற்றுக்கிழமை நடைபெற்றது. இந்த தேர்வுக்கு திண்டுக்கல் மாவட்டத்தைச் சேர்ந்த 1,435 பட்டதாரிகள் விண்ணப்பித்திருந்தனா்.

இதையடுத்து, திண்டுக்கல் அண்ணாமலையாா் மில்ஸ் அரசு உதவிப் பெறும் பெண்கள் மேல்நிலைப் பள்ளி, புனித வளனாா் அரசு உதவிப் பெறும் பெண்கள் மேல்நிலைப் பள்ளி, புனித மரியன்னை அரசு உதவிப் பெறும் மேல்நிலைப் பள்ளி, எம்எஸ்பி அரசு உதவிப் பெறும் மேல்நிலைப் பள்ளி என 4 பள்ளிகளில் 74 தேர்வுக் கூடங்கள் அமைக்கப்பட்டிருந்தன.