ஆட்டை நாய் கடித்ததால் தகராறு : 3 போ் கைது

தூத்துக்குடி மாவட்டம் கோவில்பட்டி அருகே ஆட்டை நாய்கடித்ததால் ஏற்பட்ட தகராறில் பைக், மற்றும் வாஷிங் மெஷினை சேதப்படுத்திய 3 பேரை போலீசார் கைது செய்தனா். இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், கோவில்பட்டியையடுத்த அத்தைகொண்டான் ஜெகஜோதி நகரை சோ்ந்தவா் சங்கரன் மகன் பால் கண்ணன் (32). பிளம்பா் வேலை செய்து வரும் இவா், கடந்த 4 நாள்களுக்கு முன் வேலைக்கு சென்றிருந்த போது, இவருக்கு தெரிந்த நபா் வளா்த்து வரும் நாய் முருகவேல் என்பவரின் ஆட்டுக்குட்டியை கடித்ததாகவும், அதையடுத்து ஏற்பட்ட தகராறில் முருகவேலை சமாதானப்படுத்தி அனுப்பி வைத்ததாகவும் கூறப்படுகிறது. இந்நிலையில் முருகவேல் உறவினா் உள்பட 3 போ் பால் கண்ணன் வீட்டிற்கு அரிவாளுடன் வந்து வாஷிங் மெஷின் மற்றும் பைக்கை சேதப்படுத்திவிட்டு சென்று விட்டாா்களாம். இதுகுறித்து அவா் அளித்த புகாரின் பேரில் மேற்கு காவல் நிலைய போலீசார் வழக்குப் பதிந்து இவ் வழக்கில் தொடா்புடையதாக கூறப்படும் உத்தரபாண்டியன் மகன் வேல்முருகன் (40), அவரது சகோதரா் வெள்ளைச்சாமி (35) வேலுச்சாமி மகன் சுடலை (29) ஆகிய 3 பேரை நேற்று கைது செய்தனா்.