பணம் கேட்டு தகராறு: பாட்டிலால் தாக்குதல்

குமரி மாவட்டம் மேக்கா மண்டபம் பகுதியை சேர்ந்தவர் ஷெபின் (34) இவர் குளச்சல் நெசவாளர் தெருவை சேர்ந்த ஜாதிக் என்பவருடன் சமையல் வேலைக்கு சென்று வருகிறார். ஷெபின் குளச்சலில் ஒரு லாட்ஜில் தங்கி உள்ளார். இந்த நிலையில் ஷெ பின் ஆரோக்கியத்தை சேர்ந்த விக்னேஷ் என்பவரிடம் ஆயிரம் ரூபாய்க்கு ஒரு பழைய டிவியை வாங்கி உள்ளார். ரூ. 700ஐ செலுத்தி உள்ளார். மீதி உள்ள பணம் 300 - ஐ பின்பு தருவதாக கூறியுள்ளார். இந்த நிலையில் நேற்று இரவு ஷெபின், ஜாதிக் ஆகியோர் குளச்சல் பயோனியர் சந்திப்பில் உள்ள டாஸ்மாக்கில் மது வாங்க சென்றனர். அப்போது அங்கே இக்னேஷியஸ் நின்றுள்ளார். அவர் ஷெபினிடம் மீதி பணம் ரூ.300 கேட்டுள்ளார். இதில் அவர்களுக்கு தகராறு ஏற்பட்டது. இதில் ஆத்திரமடைந்த இக்னேஷியஸ் கீழே கிடந்த பீர் பாட்டிலால் ஷெபினை தாக்கினார். தடுக்க முயன்ற ஜாதிக்குக்கும் பீர் பாட்டில் அடி விழுந்தது. இதில் காயம் அடைந்த இருவரும் குளச்சல் அரசு ஆஸ்பத்திரியில் சிகிச்சை பெற்று வருகின்றனர்.

இது குறித்து புகாரின் பேரில் குளச்சல் போலீசார் வழக்கு பதிவு செய்து விசாரணை நடத்தி வருகிறார்கள்.