அவ்வையார் அரசு மகளிர் பள்ளியில் பிளஸ் 1 விண்ணப்பங்கள் விநியோகம்

தர்மபுரி நகராட்சிக்கு உட்பட்ட பகுதியில் அமைந்துள்ள அவ்வையார் அரசு மகளிர் மேல்நிலைப் பள்ளியில் பிளஸ் 1 வகுப்பில் சேர்வதற்காக மாணவிகள் தங்களது பெற்றோர் மற்றும் 10ம் வகுப்பில் தேர்ச்சி பெற்றதற்கான மார்ச் சீட் ஜெராக்ஸ் உடன் வந்திருந்தனர். பள்ளி தலைமையரசிரியை கலைச்செல்வி மாணவிகளின் மார்ச் சீட்டுகளை சரிபார்த்து பிளஸ் 1 வகுப்பில் சேர்வதற்கான விண்ணப்பங்களை வழங்கி கூறும் போது, அவ்வையார் அரசு மகளிர் மேல்நிலைப் பள்ளியில் பிளஸ் 1 வகுப்பில் மட்டும் 700 மாணவிகள் வரை சேர்க்கை நடத்தப்படும்.

முதற்கட்டமாக இதே பள்ளியில் படித்து 10ம் வகுப்பில் தேர்ச்சி பெற்ற மாணவிகளை நேற்று மாலை பிளஸ் 1 வகுப்பில் சேர்க்கும் பணி நடந்தது. வரும் 16ம் தேதி முதல் இதர பள்ளிகளில் படித்து முடித்த மாணவிகளுக்கு பிளஸ் 1 அட்மிஷன் அளிக்கப்படும் என கூறினார். உடன் உதவி தலைமையாசிரியை ஜோதி லதா, மற்றும் முதுகலை ஆசிரியைகள் இருந்தனர்.