ராசிபுரத்தில் சாலை பாதுகாப்பு துண்டு பிரசுரங்கள் விநியோகம்

தேசிய சாலை பாதுகாப்பு மாதமாக கடைபிடிக்கப்பட்டு வருகிறது. இதையொட்டி விபத்து இல்லாமல் பாதுகாப்பாக வாகனத்தை இயக்குவது குறித்து பல்வேறு விழிப்புணர்வு நிகழ்ச்சிகள் நடத்தப்பட்டு வருகின்றன. நாமக்கல் மாவட்டம் ராசிபுரத்தில் நெடுஞ்சாலைத்துறை சார்பில் சாலை பாதுகாப்பு விழிப்புணர்வு துண்டு பிரசுரங்கள் விநியோகம் செய்யும் நிகழ்ச்சி ஆண்டகளூர்கேட் அருகே நடைபெற்றது. இந்நிகழ்ச்சியில் ராசிபுரம் காவல்துணை கண்காணிப்பாளர் விஜயகுமார். நெடுஞ்சாலைத்துறை அலுவலர் முருகேசன், காவல் ஆய்வாளர் செல்வராஜன் மற்றும் மோட்டார் வாகன ஆய்வாளர் .நித்யா உள்ளிட்டோர் கலந்து கொண்டனர். இந்நிகழ்வில் சாலை பாதுகாப்பு தொடர்பான துண்டுபிரசுரங்கள் வழங்கப்பட்டது. மேலும் இந்த நிகழ்ச்சியில் வட்டார உதவிக்கோட்டப்பொறியாளர் ஜெகதீஸ்குமார். உள்ளிட்ட பலர் கலந்து கொண்டனர்.