சிவகாசியில் திமுக கூட்டணி கட்சியினர் அனல் பறக்கும் பிரசாரம்

விருதுநகர் நாடாளுமன்ற தொகுதியில் தேர்தல் பிரச்சாரப் பணிகள் உச்ச கட்டத்தில் உள்ளன. விருதுநகர் நாடாளுமன்ற தொகுதியில் திமுக கூட்டணியில் உள்ள காங்கிரஸ் கட்சியை சேர்ந்த மாணிக்கம் தாகூர் போட்டியிடுகிறார்.இன்று மாலை 6 மணியுடன் தேர்தல் பிரச்சாரங்கள் நிறைவு பெறவுள்ளதையடுத்து பிரதான கட்சிகள் அனைத்தும் இறுதி கட்ட வாக்கு சேகரிப்பு பிரச்சாரத்தில் விறுவிறுப்பாக ஈடுபட்டு வருகின்றனர்.

திமுக தலைமையிலான இந்தியா கூட்டணி வேட்பாளர் மாணிக்கம் தாகூருக்கு ஆதரவாக,திமுக, காங்கிரஸ்,கம்யூனிஸ்ட், விடுதலை சிறுத்தைகள் உள்ளிட்ட கூட்டணி கட்சியினர் ஸ்ரீமாரியம்மன் கோவில் முன்பிருந்து,வாக்கு சேகரிப்பு ஊர்வலம் சென்றனர்.சிவகாசி நகர் பகுதிகள்,பஜார்,பேருந்து நிலையம், நான்கு ரத வீதிகள், புது ரோடு தெரு உள்ளிட்ட பகுதிகளில் வாக்கு சேகரிப்பு ஊர்வலம் நடைபெற்றது.இதில் பல நூற்றுக்கணக்கான தொண்டர்கள் கலந்து கொண்டனர்.

ஊர்வலத்தில், சிவகாசி எம்எல்ஏ அசோகன், மாநகராட்சி மேயர் சங்கீதா இன்பம், துணை மேயர் விக்னேஷ்பிரியா, மாநகர செயலாளர் உதயசூரியன், சிவகாசி முன்னாள் சேர்மன் ஞானசேகரன், திருத்தங்கல் நகராட்சி முன்னாள் துணை தலைவர் பொன்சக்திவேல் உட்பட திமுக, காங்கிரஸ் மற்றும் கூட்டணி கட்சி நிர்வாகிகள் பலர் கலந்து கொண்டனர்.