காங்கிரஸ் வேட்பாளருக்கு ஆதரவாக தீவிர வாக்கு சேகரிப்பு

விருதுநகர் பாராளுமன்ற தொகுதியில் போட்டியிடும் காங்கிரஸ் வேட்பாளர் மாணிக்கம் ஆதரவாக அருப்புக்கோட்டையில் இந்தியா கூட்டணி நிர்வாகிகள் தீவிர வாக்கு சேகரிப்பில் ஈடுபட்டு வருகின்றனர். அதன்படி இன்று இந்தியா கூட்டணி நிர்வாகிகள் வெள்ளக்கோட்டை, அண்ணா நகர், சுப்புராஜ் நகர், காமராஜர் சிலை தேரோடு வீதி மற்றும் அதனை சுற்றியுள்ள பகுதிகளில் வீதி வீதியாக சென்று பொது மக்களை சந்தித்து கை சின்னத்திற்கு வாக்குகள் சேகரித்தனர்.

மேள தாளங்களுடன் ஒவ்வொரு வீதியாக ஒவ்வொரு வீடாக பொதுமக்களையும், சாலையோர வியாபாரிகளையும், கடை வியாபாரிகளையும் சந்தித்து இந்தியா கூட்டணியின் தேர்தல் வாக்குறுதிகள் அடங்கிய துண்டு பிரசுரங்கள் வழங்கி கை சின்னத்திற்கு வாக்களிக்க வேண்டும் எனக் கூறினர்.இதில் நகர்மன்ற உறுப்பினர்கள், இந்தியா கூட்டணி நிர்வாகிகள் ஏராளமானோர் கலந்து கொண்டனர்.‌