திமுக வேட்பாளர் கனிமொழி ஏப்.3, 5ல் பிரச்சாரம்

தூத்துக்குடி வடக்கு மாவட்ட திமுக செயலாளர் அமைச்சர் பி.கீதாஜீவன் வெளியிட்ட அறிக்கை: தூத்துக்குடி நாடாளுமன்றத் தொகுதியில் I.N.D.I.A கூட்டணி சார்பில் தி.மு.க. வேட்பாளராக கனிமொழி கருணாநிதி போட்டியிடுகிறார். கிராமம், கிராமமாகச் சென்று வாக்கு சேகரித்து வரும் அவர் வருகிற 03.04.2024 புதன்கிழமை மற்றும் 05.04.2024 வெள்ளிக்கிழமை ஆகிய இரு தேதிகளில் விளாத்திகுளம் சட்டமன்ற தொகுதிக்கு உட்பட்ட கீழ்க்கண்ட கிராமங்களில் வாக்கு சேகரிக்க இருக்கிறார்.

வருகிற 3ஆம் தேதி மாலை 5 மணி முதல், குறுக்குச்சாலை, வேடநத்தம், குளத்தூர், வைப்பார், சூரங்குடி, அரியநாயகிபுரம், விளாத்திகுளம், கரிசல்குளம், நாகலாபுரம், சின்னவநாயக்கன்பட்டி, புதூர், சிவலார்பட்டி ஆகிய பகுதிகளில் வாக்கு சேகரிக்கிறார். மேலும் 5ஆம் தேதி மாலை 4.30 மணி முதல் பசுவந்தனை, எப்போதும் வென்றான், சிவஞானபுரம், கீழஈரால், எட்டயபுரம், கடலையூர், கரும்பூர், தாப்பாத்தி, ஆகிய பகுதிகளில் வாக்கு சேகரிக்கிறார். அந்தந்த பகுதிக்கு உட்பட்ட தி.மு.கழக நிர்வாகிகள் ஏற்பாடுகளை சிறப்பாக செய்திடவும், I.N.D.I.A கூட்டணிக் கட்சிகளின் நிர்வாகிகள், தொண்டர்கள், பொதுமக்கள் அனைவரும் பெருந்திரளாகக் கலந்து கொள்ளவும் கேட்டுக்கொள்கிறேன். இவ்வாறு அறிக்கையில் தெரிவிக்கப்பட்டுள்ளது.