முதல்வர் ஸ்டாலினை சந்தித்து வாழ்த்து பெற்ற தி.மு.க வேட்பாளர்

கள்ளக்குறிச்சி தி.மு.க., வேட்பாளராக மலையரசன் போட்டியிட்டார். தேர்தலுக்கு முன்னதாக தொகுதியில் உள்ள ரிஷிவந்தியம், சங்கராபுரம், கள்ளக்குறிச்சி, கெங்கவல்லி, ஏற்காடு, ஆத்துார் ஆகிய 6 சட்ட சபை தொகுதிகளிலும் தீவிர பிரசாரம் மேற்கொண்டார். கடந்த 19ம் தேதி தேர்தல் முடிவடைந்த நிலையில் நேற்று முதல்வர் ஸ்டாலினை நேரில் சந்தித்து மலையரசன் வாழ்த்து பெற்றார். அப்போது, தொகுதியின் கள நிலவரம் குறித்து ஸ்டாலின் கேட்டறிந்தார். அமைச்சர்கள் துரைமுருகன், நேரு, வேலு, மாவட்ட செயலாளர்கள் சிவலிங்கம், உதயசூரியன், வசந்தம் கார்த்திகேயன் உடனிருந்தனர்.