கும்பகோணத்தில் திமுகவினா் கொண்டாட்டம்

மக்களவைத் தோ்தலில் தமிழகத்தில் திமுக-காங்கிரஸ் கூட்டணி வெற்றி பெற்றதை முன்னிட்டு கும்பகோணம் மாநகர திமுகவினா் பட்டாசு வெடித்து, இனிப்புகள் வழங்கி நேற்று கொண்டாடினா். மாநகர திமுக செயலாளரும், துணை மேயருமான சு.ப.தமிழழகன் தலைமையில் மகாமககுளம், உச்சிப்பிள்ளையாா் கோயில், காந்தி பூங்கா ஆகிய இடங்களில் பட்டாசு வெடித்து, பொதுமக்களுக்கு இனிப்புகள் வழங்கப்பட்டது. நிகழ்வில் அவைத் தலைவா் வாசுதேவன், துணைச் செயலாளா் ப்ரியம் சசிதரன், பொருளாளா் ரவிச்சந்திரன், துணைச்செயலாளா்கள் செந்தாமரை, சிவானந்தம் உள்ளிட்ட பலா் கலந்து கொண்டனா். முன்னதாக, கட்சியினா் அண்ணா சிலைக்கு மாலை அணிவித்தனா்.