திமுக ஆலோசனை கூட்டம்

கிருஷ்ணகிரி மாவட்டம், ஊத்தங்கரையில் திமுக கட்சியின் சார்பில் மக்களவை தேர்தலை முன்னிட்டு நிர்வாகிகள் ஆலோசனை கூட்டம் தனியார் திருமணமன்டபத்தில் நடைபெற்றது. ஆலோசனைக் கூட்டத்திற்கு திமுக வடக்கு ஒன்றிய செயலாளர் எஸ்.குமரேசன் தலைமை வகித்தார். தெற்கு ஒன்றிய செயலாளர் ரஜினி செல்வம், ஊத்தங்கரை பேரூராட்சித் தலைவர் அமானுல்லா, முன்னாள் சட்டபேரவை உறுப்பினர்கள் நரசிம்மன், கிருஷ்ணமூர்த்தி, மாவட்ட பொருளாளர் கதிரவன், மாவட்டத் துணைச் செயலாளர் சந்திரன், மத்தூர் ஒன்றிய செயலாளர் வசந்தராசு ஆகியோர் முன்னிலை வகித்தனர்.

கூட்டத்தில் வருகிற நாடாளுமன்றத் தேர்தலில் அதிகப்படியான வாக்குகள் பெறுவது குறித்து இளைஞர் அணி மாநில துணை அமைப்பாளர் சீனிவாசன் பல்வேறு ஆலோசனைகளை வழங்கினார். இதில் மாவட்ட மருத்துவர் அணி தலைவர் மருத்துவர் கந்தசாமி, மாவட்ட இளைஞரணி துணை அமைப்பாளர் லயோலா ராஜசேகர், நகர அவை தலைவர் தணிகை குமரன், மத்தூர் ஒன்றியகுழு தலைவர் விஜயலட்சுமி, மற்றும் திமுக ஒன்றிய நகர நிர்வாகிகள் பலர் கலந்து கொண்டனர்.