ஏரியில் தவறி விழுந்து நீரில் மூழ்கி திமுக பிரமுகர் பலி

திருவெண்ணெய்நல்லுார் அடுத்த இருவேல்பட்டு கிராமத்தைச் சேர்ந்தவர் கனகராஜ், 59; தி.மு.க., பிரமுகர். நேற்று முன்தினம் இரவு 7:00 மணியளவில் இவரது வீட்டின் பின்னால் உள்ள விவசாய நிலத்திற்குச் சென்றவர், வெகு நேரமாகியும் வீடு திரும்பவில்லை. இதனால், அவரது உறவினர்கள் பல்வேறு இடங்களில் தேடியும் கிடைக்கவில்லை. இந்நிலையில் நேற்று காலை 6:00 மணியளவில் கனகராஜ் ஏரியில் இறந்து கிடப்பதகாக திருவெண்ணெய்நல்லுார் போலீசுக்கு தகவல் கிடைத்தது. அதன் பேரில், இன்ஸ்பெக்டர் செல்வராஜ் மற்றும் போலீசார் சம்பவ இடத்திற்கு சென்று ஏரியில் இருந்து கனகராஜ் உடலைக் கைப்பற்றி விசாரித்ததில், ஏரியில் தவறி விழுந்தது தெரியவந்தது. மேலும், இதுகுறித்த புகாரின் பேரில், வழக்குப் பதிந்து விசாரித்து வருகின்றனர்.