நாகை மாவட்டம் திருமருகலில் மு.க. ஸ்டாலின் பிறந்த நாள் திமுக கொடியேற்று விழா

நாகை மாவட்டம் திருமருகலில் மு.க. ஸ்டாலின் பிறந்த நாள் திமுக கொடியேற்று விழா தமிழக முதலமைச்சரும்,திமுக தலைவருமான மு.க.ஸ்டாலின் 70 வது பிறந்த நாளை முன்னிட்டு திருமருகல் திமுக வடக்கு ஒன்றிய கட்சி அலுவலகத்தில் கொடியேற்றும் நிகழ்ச்சி நேற்று நடைபெற்றது.இந்நிகழ்ச்சிக்கு கட்சியின் வடக்கு ஒன்றிய செயலாளர் செல்வசெங்குட்டுவன் தலைமை தாங்கி கட்சியின் கொடியேற்றி வைத்து பொதுமக்களுக்கு இனிப்புகள் வழங்கினார்.இந்நிகழ்ச்சியில் மாவட்ட பிரதிநிதிகள் ஜெயபால்,ஜெயக்குமார்,அயலக அணி மாவட்ட துணை தலைவர் விஜயகணபதி,ஒன்றிய துணை செயலாளர் குருமணிமாறன் மற்றும் கட்சி நிர்வாகிகள் பொதுமக்கள் பலர் கலந்து கொண்டனர்.அதேபோல் நரிமணம் ஊராட்சியில் நரிமணம், சுள்ளாங்கால் கிளைகளில் மாவட்ட இளைஞரணி அமைப்பாளரும்,ஊராட்சி மன்ற தலைவருமான கார்த்திக் தலைமையில் கட்சியின் கொடியேற்றி வைத்து கேக் வெட்டி மு.க.ஸ்டாலின் பிறந்தநாள் கொண்டாடப்பட்டது.பின்னர் பொதுமக்களுக்கு இனிப்புகள் வழங்கப்பட்டது.இந்நிகழ்ச்சியில் ஒன்றிய துணை செயலாளர் பாலையா,கிளைச் செயலாளர் குமார்,கிளை பிரதிநிதிகள் வடிவேலன்,ஸ்டாலின்,ஊராட்சி மன்ற உறுப்பினர் சாமிநாதன் உள்ளிட்ட நிர்வாகிகள் பலர் கலந்து கொண்டனர்.அதேபோல் திட்டச்சேரி பேரூர் திமுக சார்பில் நகர செயலாளர் முகமது சுல்தான் தலைமையில் திட்டச்சேரி கடைத்தெரு மற்றும் கொந்தகை கடைத்தெருவில் கட்சியின் கொடியேற்றி வைத்து பொதுமக்களுக்கு இனிப்புகள் வழங்கப்பட்டது.இந்நிகழ்ச்சியில் மாவட்ட பிரதிநிதி ஹமீது ஜெகபர் உள்ளிட்ட கட்சியின் நிர்வாகிகள் பலர் கலந்து கொண்டனர்.