10 வயது சிறுமியை கடித்துக் குதறிய நாய் - நாய் உரிமையாளரிடம் போலீசார் விசாரணை

சென்னை கோயம்பேடு நியூ காலனி 9-வது தெருப்பகுதியை சேர்ந்த ராம்குமார் - ரோஜா தம்பதியினருக்கு 10 வயதில் சஞ்சனா ஸ்ரீ என்ற மகள் உள்ளார். நேற்று இரவு 10 வயது சிறுமி சஞ்சனா ஸ்ரீ, தனது வீட்டுக்கு அருகில் உள்ள கடைக்கு சென்று விட்டு வீட்டுக்கு திரும்பிய போது அருகாமை வீட்டில் வசிக்கும் வாணி என்பவரின் வளர்ப்பு நாய் சஞ்சனா ஸ்ரீ என்ற 10 வயது சிறுமியை கடித்து குதறியுள்ளது. கைகள், கால்கள், இடுப்பு பகுதி என கடித்து குதறியதால் சிறுமி கூச்சலிட்டு அழுதுள்ளார். உடனடியாக அக்கம்பக்கத்தினர் வளர்ப்பு நாயை அடித்து விரட்டி சிறுமியை மீட்டுள்ளனர். சிறுமியின் பெற்றோர் சிறுமியை கீழ்ப்பாக்கம் அரசு மருத்துவமனையில் அனுமதித்துள்ளனர். அங்கு சிறுமிக்கு தீவிர சிகிச்சை அளிக்கப்பட்டு வருகிறது. சிறுமியின் தாய் அளித்த புகாரின் பேரில் வெளிநாட்டு நாய் வகை வளர்த்து வரும் வாணி என்பவரிடம் கோயம்பேடு போலீசார் விசாரணை மேற்கொண்டு வருகின்றனர்.