நாய் குறுக்கே வந்ததால் விபத்து - ஒருவர் உயிரிழப்பு

அரியலூர் மாவட்டம் வேப்பங்குழி கிராமத்தை சேர்ந்தவர் காமராஜ். இவர் தனது இருசக்கர வாகனத்தில் சொந்த வேலை காரணமாக கீழப்பழூவூர் நோக்கி சம்பவதன்று சென்று கொண்டிருந்தார். அப்போது நாய் ஒன்று குறுக்கே வந்ததில் நிலை தடுமாறி கீழே விழுந்ததால் படுகாயம் அடைந்தார். இதனையடுத்து அங்கிருந்தவர்கள் காமராஜை மீட்டு அரியலூர் அரசு மருத்துவ கல்லூரி மருத்துவமனைக்கு சிகிச்சைக்கு அனுப்பி வைத்தனர். இந்நிலையில் அவர் சிகிச்சை பலனின்றி உயிர் இழந்தார். இதனையடுத்து கீழப்பழூவூர் போலீசார் வழக்குபதிவு செய்து விசாரணை மேற்கொண்டு வருவதாக காவல்துறை தரப்பில் தகவல் தரப்பட்டுள்ளது