டிரினிடி மகளிர் கல்லூரியில் டாக்டர் ஏபிஜே அப்துல் கலாம் பிறந்த நாள் விழா

இந்திய நாட்டின் முன்னாள் குடியரசுத் தலைவர் டாக்டர் ஏபிஜே அப்துல் கலாம் அவர்களின் பிறந்த நாளான இன்று (15/10/24) உலக மாணவர் தினமாக நாமக்கல் டிரினிடி மகளிர் கலை மற்றும் அறிவியல் கல்லூரியில் கொண்டாடப்பட்டது. இந்நிகழ்வினை கல்லூரியின் இயற்பியல் துறை மற்றும் குயிஸ் கிளப் இணைந்து நடத்தின. இதில் ராமேஸ்வரமும், கலாமும், அறிவியல் மற்றும் தொழில்நுட்பத்திற்கு கலாம் ஆற்றிய பணிகள், விண்வெளியில் கலாம், இளைஞர் மேம்பாட்டில் கலாமின் பங்கு, கலாம் எழுதிய புத்தகங்கள், இந்திய நாட்டின் வளர்ச்சிக்கு கலாமின் பங்கும், விருதுகளும், இந்திய ஜனாதிபதியாக கலாம் ஆற்றிய பணிகள் போன்ற தலைப்புகளில் வினாடி வினா நிகழ்ச்சி நடைபெற்றன. இதில் 100-க்கும் மேற்பட்ட மாணவிகள் ஆர்வமுடன் கலந்து கொண்டனர்.