அரசு பள்ளி மாணவர் விடுதிக்கு குடிநீர் வசதி

அரகண்டநல்லுார் அரசு மாணவர் விடுதியில் குடிநீர் பிரச்சனையை தீர்க்கும் பொருட்டு, ரோட்டரி கிளப் ஆப் டெம்பிள் சிட்டி சார்பில் 25 ஆயிரம் ரூபாய் மதிப்பில் நீர்மூழ்கி மோட்டார் பொருத்தி குடிநீர் வசதி செய்து கொடுக்கப்பட்டது. துவக்க நிகழ்ச்சிக்கு, சங்கத் தலைவர் வாசன் தலைமை தாங்கினார். செயலாளர் செந்தில்குமார், பொருளாளர் கோதம் சந்த் முன்னிலை வகித்தனர். ரோட்டரி கவர்னர் அன்பழகன் குடிநீர் சேவையை துவக்கி வைத்தார். சங்க உறுப்பினர்கள் சவுந்தர்ராஜன், பன்னீர்செல்வம், முத்துக்குமாரசாமி உட்பட பலர் பங்கேற்றனர்.