மனநலம் பாதிக்கப்பட்ட பெண்ணை கர்ப்பமாக்கிய டிரைவர் கைது

சேலம் மாவட்டம் ஆத்தூர் அருகே உள்ள ஒரு கிராமத்தை சேர்ந்த 27 வயதான இளம் பெண் ஒருவர் மனநிலை பாதிக்கப்பட்டு இருந்ததாக கூறப்படுகிறது. அந்த பெண்ணின் தந்தை, ஆத்தூர் அனைத்து மகளிர் போலீஸ் நிலையத்தில் புகார் மனு ஒன்றை அளித்தார். அதில் அவர், எங்கள் பகுதியில் வசிக்கும், அப்பாதுரையின் மகன் பொன்னுதுரை (23) என்ற லாரி டிரைவர், மனநலம் பாதித்த எனது மகளுக்கு ஆசை வார்த்தை கூறி இனிப்பு பண்டங்கள் மற்றும் குளிர்பானங்கள் வாங்கி கொடுத்து கர்ப்பமாக்கி விட்டார். தற்போது எனது மகள் கர்ப்பிணியாக உள்ளார். எனவே மனநலம் பாதித்த எனது மகளை ஆசைவார்த்தை கூறி ஏமாற்றி கற்பழித்த பொன்னுதுரை மீது வழக்குப்பதிவு செய்து நடவடிக்கை எடுக்க வேண்டும். இவ்வாறு அந்த புகாரில் அவர் குறிப்பிட்டு இருந்தார். இதன்பேரில், பொன்னுதுரை மீது ஆத்தூர் அனைத்து மகளிர் போலீஸ் இன்ஸ்பெக்டர் மலர்கொடி வழக்குப்பதிவு செய்து அவரை கைது செய்தார்.