நத்தம் அருகே மயங்கி விழுந்து டிரைவர் மரணம்

திண்டுக்கல் மாவட்டம் நத்தம் ஆதியாபட்டியை சேர்ந்தவர் கார்த்திக் (36). டிராக்டர் டிரை வரான இவர் திருமயம் அருகே கண்ணனிப்பட்டியில் தனியார் கல்லுடைக்கும் தொழிற்கூடத்தில் தங்கி வேலைபார்த்து வந்தார். நேற்று முன் தினம் திடீரென மயக்கமடைந்த கார்த்திக்கை சக ஊழியர்கள் மீட்டு திருமயம் அரசு ஆஸ்பத்திரிக்கு அழைத்து வந்தனர்.

ஆனால் வரும் வழியிலேயே கார்த்திக் பரிதாபமாக இறந்தார். இது குறித்து திருமயம் போலீசார் வழக்குப்பதிவு செய்து விசாரித்து வருகின்றனர்.