எடப்பாடி இரட்டை கொலை - முக்கிய குற்றவாளி கைது

சேலம் மாவட்டம் எடப்பாடி அடுத்த கலர்பட்டியில் நிலப்பிரச்சனை காரணமாக பட்டபகலில் இருவரை ஓட ஓட வெட்டி கொன்ற சம்பவம் அப்பகுதியில் பெரும் பரபரப்பையும் பதட்டத்தையும் ஏற்படுத்தியது. இந்தக் கொலை சம்பவத்தில் முக்கிய குற்றவாளியான முருகன் கத்தி காயங்களுடன் சேலம் அரசு மருத்துவமனையில் சிகிச்சை பெற்று வந்த நிலையில் அவரது மகன் கிஷோர் குமாரை மட்டும் பூலாம்பட்டி போலீசார் கைது செய்து சிறுவர் சீர்திருத்த பள்ளியில் சேர்த்தனர். இந்நிலையில் நேற்று முருகனுக்கு சேலம் அரசு மருத்துவமனையில் சிகிச்சை முடிந்ததையடுத்து பூலாம்பட்டி போலீசார் அவரைக் கைது செய்தனர்.