மேட்டூரில் கட்சி கொடியை ஏற்றி வைத்த எடப்பாடி பழனிசாமி

சேலம் மாவட்டம்,மேட்டூர் அருகே மேச்சேரி கிழக்கு ஒன்றியத்தில் நங்கவள்ளி செல்லும் சாலையில் அமைக்கப்பட்டிருந்த புதிய கொடி கம்பத்தில் அதிமுக பொதுச் செயலாளர் எடப்பாடி கே. பழனிசாமி கட்சி கொடி ஏற்றி வைத்தார். பின்னர் மேச்சேரி கிழக்கு ஒன்றிய அம்மா பேரவை செயலாளர் ராஜாவின் புதிய இல்லத்தை அதிமுக பொதுச் செயலாளர் எடப்பாடி கே. பழனிசாமி திறந்து வைத்தார். இந்த நிகழ்ச்சியில் பாராளுமன்ற மாநிலங்களவை உறுப்பினர் சந்திரசேகரன், முன்னாள் அமைச்சர் செம்மலை, சேலம் புறநகர் மாவட்ட செயலாளர் இளங்கோவன், மாவட்ட மகளிர் அணி செயலாளர் லலிதா சரவணன் உள்ளிட்ட கட்சி நிர்வாகிகள் ஏராளமானோர் கலந்து கொண்டனர்.