நெருங்கும் தேர்தல்... நெல்லை, தென்காசியில் பிரச்சாரம் செய்ய வருகிறார் எடப்பாடி!!

நெல்லை, தென்காசி பாராளுமன்ற தொகுதிகளுக்கு பிரச்சாரம் செய்ய வருகை தரும் அதிமுக பொதுச்செயலாளர் எடப்பாடி பழனிசாமியை சிறப்பான முறையில் வரவேற்பது குறித்து பாவூர்சத்திரத்தில் ஆலோசனைக் கூட்டம் நடைபெற்றது. தென்காசி தெற்கு மாவட்ட கழக செயலாளரும், முன்னாள் சட்டமன்ற உறுப்பினருமான செல்வமோகன்தாஸ் பாண்டியன் தலைமையில் நடைபெற்ற இந்த கூட்டத்தில் மாவட்ட கழக அவைத் தலைவர் சண்முகசுந்தரம், மாவட்டத்திற்கு உட்பட்ட ஒன்றிய, நகர, பேரூர் கழக செயலாளர்கள், சார்பு அணி நிர்வாகிகள், தலைமைக் கழக பேச்சாளர்கள், உள்ளாட்சி மன்ற பிரதிநிதிகள், கூட்டுறவு சங்க நிர்வாகிகள் என பலர் கலந்துக்கொண்டனர். அதிமுக பொதுச்செயலாளர் எடப்பாடி பழனிசாமியின் பாராளுமன்ற தேர்தல் பிரச்சார சுற்றுப்பயணத்தின் முதல்கட்டமாக வரும் 26ஆம் தேதி மாலை 6 மணியளவில் நெல்லை வாகையடி முக்கிலும், 27ஆம் தேதி மாலை 6 மணியளவில் சங்கரன்கோவிலிலும் மாபெரும் பிரச்சார பொதுக்கூட்டங்கள் நடைபெற உள்ளது. பொதுச்செயலாளருக்கு சிறப்பான முறையில் வரவேற்பு அளிப்பது குறித்து