ஈசநத்தம்- பள்ளி மாணவி கர்ப்பம்: பள்ளி மாணவன் போக்சோவில் கைது

கரூர் மாவட்டம், அரவக்குறிச்சி தாலுகா, ஈசநத்தம் அருகே உள்ள ஒரு பகுதியை சேர்ந்தவர் 15 வயது சிறுவன். இந்த சிறுவன் அப்பகுதியில் உள்ள ஒரு பள்ளியில் பத்தாம் வகுப்பு பயின்று வந்தான். அருகிலுள்ள மற்றொரு பகுதியைச் சேர்ந்த பிளஸ்-1 பயின்று வரும் ஒரு மாணவியரிடம் நெருங்கி பழகி வந்துள்ளான் மாணவன்.

இந்நிலையில் அண்மையில் அந்த மாணவி கர்ப்பமானார். இந்த சம்பவம் அறிந்த மாணவியின் பெற்றோர் அதிர்ச்சி அடைந்தனர். மேலும்,இது தொடர்பாக குழந்தைகள் பாதுகாப்பு அலுவலரிடம் அளித்த புகாரின் பேரில், சம்பவ இடத்திற்கு சென்று மாணவியிடம் விசாரணை மேற்கொண்டு, கர்ப்பமானதை உறுதிப்படுத்தினார் குழந்தைகள் பாதுகாப்பு அலுவலர் சதீஷ்குமார். இது தொடர்பாக மகளிர் காவல் நிலையத்தில் சதீஷ்குமார் புகார் அளித்தார்.

புகாரின் பேரில், விசாரணை மேற்கொண்ட கரூர் ஊரக மகளிர் காவல் துறையினர், பத்தாம் வகுப்பு படித்து வந்த சிறுவனை போக்சோ சட்டத்தில் கைது செய்தனர்.