மூன்று சக்கர வாகனம் மோதி முதியவர் பலி

ராணிப்பேட்டை மாவட்டம், வாலாஜா அருகே உள்ள மேல் வெல்லம் கிராமம் ரோட்டுத் தெருவை சேர்ந்தவர் மணி(65) இவர் டிவிஎஸ் நிறுவனத்தில் பணியாற்றி ஓய்வு பெற்று விவசாய செய்து வருகிறார். இவரது மனைவி குப்பம்மாள் கடந்த எட்டு வருடங்களுக்கு முன்பு இறந்துவிட்டார். இந்த தம்பதியருக்கு மூன்று மகன்கள் ஆறுமுகம், விஜயகுமார், வினோத்குமார் ஆகிய மூவருக்கும் திருமணமாகி தனித்தனியே வசித்து வருகின்றனர்.

இந்நிலையில் நேற்று மாலை சோளிங்கர் - அம்மூர் சாலையில் தனது நிலத்திற்கு மாடு ஓட்டி வர நடந்து சென்றுக்கொண்டிருந்த போது அவ்வழியாக வேகமாக வந்த மூன்று சக்கர லோடு வாகனம் மோதிய விபத்தில் மணி பலத்த காயமடைந்தார். உடனே அந்த லோடு ஆட்டோவிலேயே வாலாஜா அரசு மருத்துமனையில் முதலுதவி சிகிச்சை அளிக்கப்பட்டு மேல்சிகிச்சைக்காக வேலூர் அடுக்கும்பாறை அரசு மருத்துவமனையில் அனுமதிக்கப்பட்டு சிகிச்சைப் பெற்று வந்த நிலையில் இன்று சிகிச்சை பலனின்றி உயிரிழந்தார்.

இது தொடர்பாக போலிசார் விசாரணையில் மூன்று சக்கர லோடு ஆட்டோ ஓட்டி வந்தவர் கொடைக்கல் பகுதியை சேர்ந்த ராஜசேகர் என்பது தெரியவந்துள்ளது. மேலும் இது தொடர்பாக விபத்தில் உயிரிழந்த மணி மகன் விஜயகுமார் கொடுத்த புகாரின் பேரில் ராணிப்பேட்டை போலீசார் வழக்கு பதிவு செய்து மேற்கொண்டு வருகின்றனர்.