முதியவர் மாயம் போலீசார் விசாரணை

நாமக்கல் மாவட்டம் குமாரபாளையத்தில் முதியவர் காணாமல் போனதால், மனைவியின் புகார் படி போலீசார் தேடி வருகின்றனர். சென்னை முகப்பேர் மேற்கு பகுதியயை சேர்ந்தவர் கோவிந்தராஜ், 62. இவர் குமாரபாளையம், காவலர் வீதியில் வசித்து வரும் தனது சகோதரி சிவபாக்கியம் வீட்டிற்கு வந்திருந்தார்.

ஏப். 4ல், காலை 07:00 மணியளவில் வெளியில் சென்று வருவதாக கூறி சென்றவர், இதுவரை வீடு திரும்பவில்லை. இது குறித்து இவரது மனைவி இராஜபாரதி, 35, பல இடங்களில் தேடியும் கிடைக்கவில்லை. அதனால் இது குறித்து குமாரபாளையம் போலீசில் இவர் புகார் செய்தார். இதன்படி வழக்குப்பதிவு செய்த குமாரபாளையம் போலீசார், காணாமல் போன நபரை தேடி வருகின்றனர்.