தேர்தல் விழிப்புணர்வு கோலப்போட்டி

தமிழ்நாடு மாநில ஊரக வாழ்வாதார இயக்கத்தின் சார்பாக தென்காசி மாவட்ட அளவிலான தேர்தல் விழிப்புணர்வு கோலப்போட்டி, தென்காசி ஊராட்சி ஒன்றிய அலுவலக வளாகத்தில் நடைபெற்றது. கோலப்போட்டியில் அனைத்து வட்டாரங்களை சார்ந்த வட்டார இயக்க மேலாண்மை அலகின் சார்பில் மகளிர் குழுவை சார்ந்த உறுப்பினர்கள் கோலப்போட்டியில் பங்கு பெற்றனர். தேர்தலில் 100% வாக்களிப்பதின் முக்கியத்துவத்தை விளக்கும் கோலங்கள் அதிக அளவில் இடம் பெற்றன.

அதில் வாக்களிப்பதின் உரிமை மற்றும் கடமை, வாக்கு விற்பனைக்கானது அல்ல, ஒரு விரல் புரட்சி, எனது வாக்கு எனது உரிமை, ஒற்றை விரலில் நமது உரிமையை நிலைநாட்டு, எந்த ஒரு சூழ்நிலையிலும் வாக்களிப்போம். பணத்தை பார்த்து ஏமாறாதே உன் கடமையை விட்டு விலகாதே போன் வாசகங்கள் இடம் பெற்றன. மாவட்ட ஆட்சித் தலைவர் துரை இரவிச்சந்திரன் பார்வையிட்டு சிறப்பாக கோலமிட்டவர்களை பாராட்டினார். இதில் திட்ட இயக்குநர் இந்திரா பிரியதர்ஷனி மற்றும் உதவி திட்ட அலுவலர் கவியரசன் மற்றும் அனைத்து வட்டார இயக்க மேலாளர்கள் மகளிர் சுய உதவி குழு உறுப்பினர்கள் உள்ளிட்டோர் கலந்து கொண்டனர்.