தேர்தல் விழிப்புணர்வு: மாணவர்களுக்கு கடிதம் எழுதும் போட்டி

புதுக்கோட்டை மாவட்டம் விராலிமலையில் வாக்களிப்பதன் முக்கியத்துவம் மற்றும் இளைஞர்களின் தேர்தல் பங்களிப்பு குறித்து கடிதம் எழுதும் போட்டி நடைபெற்றது. ஜனவரி 25ஆம் தேசிய வாக்காளர் தினம் கொண்டாடப்படுகிறது. இதையொட்டி விராலிமலையில் அரசு ஆண்கள் மற்றும் பெண்கள் மேல்நிலைப் பள்ளிகளில் மாணவ, மாணவிகள் இடையே தேர்தல் விழிப்புணர்வு ஏற்படுத்தும் விதமாக வாக்களிப்பதன் முக்கியத்துவம் மற்றும் இளைஞர்களின் தேர்தல் பங்களிப்பு குறித்து கடிதம் எழுதும் போட்டி நடைபெற்றது.

போட்டியை விராலிமலை வட்டாட்சியர் கருப்பையா தொடங்கி வைத்தார். முதல் மூன்று இடங்களில் பிடிப்போருக்கு ஜனவரி 25ஆம் தேதி பரிசு வழங்கப்பட உள்ளது. இந்நிகழ்வில் விராலிமலை துணை வட்டாட்சியர் ஐஸ்வர்யா, வருவாய் ஆய்வாளர் சந்திரசேகர் மற்றும் ஆசிரியர்கள் கலந்து கொண்டனர்.