தேர்தல் விழிப்புணர்வு மினி மாரத்தான்

தூத்துக்குடி பாராளுமன்ற தொகுதியில் பாராளுமன்ற பொதுத் தேர்தல் வாக்குப்பதிவு ஏப்ரல் 19ம் தேதி நடைபெறுகிறது. மேலும் ஜூன் 4ம் தேதி வாக்கு எண்ணப்படுகிறது. தூத்துக்குடி பாராளுமன்ற தொகுதியில் 100 சதவீதம் வாக்குப்பதிவினை வலியுறுத்தி பல்வேறு வாக்காளர் விழிப்புணர்வு நிகழ்ச்சிகள் நடைபெற்று வருகிறது. அதன் ஒரு பகுதியாக தூத்துக்குடி மாநகராட்சி மைய அலுவலகத்தில் இருந்து மாவட்ட ஆட்சியரகம் வரையிலான மினி மாரத்தான் ஓட்டமானது இன்று காலை நடைபெற்றது.

மினி மாரத்தான் ஓட்டத்தினை வாக்குப்பதிவு அலுவலர் / மாநகராட்சி ஆணையர் லி.மதுபாலன் கொடியசைத்து துவக்கி வைத்தார். நிகழ்ச்சியில் கூடுதல் ஆட்சியர் (வளர்ச்சி) ஆர்.ஐஸ்வர்யா, உதவி தேர்தல் அலுவலர் / தூத்துக்குடி வருவாய் கோட்டாட்சியர் பிரபு மாவட்ட குழந்தைகள் பாதுகாப்பு அலுவலர் அலெக்ஸ் மற்றும் பல்வேறு துறை சார்ந்த அலுவலர்கள் பொதுமக்கள் உள்ளிட்ட 100க்கும் மேற்பட்டோர் கலந்து கொண்டனர். நிகழ்ச்சியின் நிறைவில் மினி மாரத்தான் ஓட்டத்தில் கலந்து கொண்ட அனைவருக்கும் பதக்கம் மற்றும் சான்றிதழ்கள் வழங்கப்பட்டது.