மெகந்தி போட்டி மூலம் தேர்தல் விழிப்புணர்வு

தமிழகத்தில் நாடாளுமன்ற தேர்தலை முன்னிட்டு தேர்தல் ஆணையம் பல்வேறு விழிப்புணர்வு நடவடிக்கைகளை மேற்கொண்டு வருகிறது.இதன் ஒரு பகுதியாக திருமருகல் ஒன்றியம் ராராந்திமங்கலம் ஊராட்சியில் தமிழ்நாடு ஊரக வாழ்வாதார இயக்கம் மகளிர் திட்டம் சார்பில் தேர்தல் குறித்த விழிப்புணர்வு நிகழ்ச்சி நடைபெற்றது. இதில் விழிப்புணர்வு கோலப்போட்டி மற்றும் மெஹந்தி போட்டி நடைபெற்றது.விழிப்புணர்வு பேரணி நடைபெற்றது.

இப்பேரணியை திட்ட இயக்குனர் முருகேசன் கொடியசைத்து துவங்கி வைத்தார்.பேரணி ராராந்திமங்கலம் ஊராட்சி பகுதி முக்கிய வழியாக சென்று ஊராட்சி மன்ற அலுவலகம் முன்பு முடிவடைந்தது.பேரணியில் உதவி திட்ட அலுவலர் இந்திராணி,வட்டார இயக்க மேலாளர் அறிவு நிதி,வட்டார ஒருங்கிணைப்பாளர்கள் அண்ணாதுரை,கார்த்திகா, இந்துஜா மற்றும் மகளிர் சுய உதவி குழு உறுப்பினர்கள் பொதுமக்கள் கலந்து கொண்டனர்.முன்னதாக தேர்தல் விழிப்புணர்வு தொடர்பாக உறுதிமொழி எடுத்துக் கொள்ளப்பட்டது.