தேர்தல் பறக்கும் படை சோதனை தீவிரம்: எஸ்.பி. ஆய்வு

தூத்துக்குடியில் மக்களவை தேர்தலை முன்னிட்டு வாகன சோதனையில் ஈடுபட்டு வரும் தேர்தல் நிலையான கண்காணிப்பு குழுவினரின் பணிகளை எஸ்பி பாலாஜி சரவணன் ஆய்வு செய்தார். வரும் 19.04.2024 அன்று நடைபெறவுள்ள மக்களவை தேர்தலை முன்னிட்டு தேர்தல் பறக்கும் படை குழு (Flying Squad Team) மற்றும் நிலையான கண்காணிப்பு குழுவினர் (Static Surveillance Team) தூத்துக்குடி மாவட்டம் முழுவதும் பணம் பட்டுவாடாவை தடுப்பதற்காக தீவிர வாகன சோதனையில் ஈடுபட்டு வருகின்றனர். அதன்படி இன்று (04.04.2024) தூத்துக்குடி வடபாகம் காவல் நிலைய எல்லைக்குட்பட்ட அமெரிக்கன் மருத்துவமனை அருகே வாகன சோதனையில் ஈடுபட்டு வரும் தேர்தல் நிலையான கண்காணிப்பு குழுவினரின் (Static Surveillance Team) பணிகளை மாவட்ட காவல் கண்காணிப்பாளர் எல். பாலாஜி சரவணன் அவர்கள் ஆய்வு செய்து அறிவுரைகள் வழங்கினார்.