சேத்துப்பட்டு நகர திமுக சார்பில் பூத் கமிட்டி ஆலோசனை கூட்டம்

திருவண்ணாமலை மாவட்டம் போளூர் அடுத்த சேத்துப்பட்டு ஆரணி சபையில் உள்ள ஜெய் ரமேஷ் திருமண மண்டபத்தில் நகர திமுக பூத் கமிட்டி ஆலோசனை கூட்டம் நடைபெற்றது. நகர செயலாளர் இரா முருகன் தலைமை தாங்கினார், நகர துணை செயலாளர் ஜெயந்தி ராமகிருஷ்ணன், வேளாங்கண்ணன், நகர பொருளாளர் ஆறுமுகம் ,மாவட்ட மகளிர் அணி துணை அமைப்பாளர் புனிதா பன்னீர்செல்வம், மாவட்ட பிரதிநிதி தம்பி சுரேஷ் ஆகியோர் முன்னிலை வகித்தனர் .அனைவரையும் கலை இலக்கிய பகுத்தறிவு பேரவை மாவட்ட அமைப்பாளர் சேகர் வரவேற்றார். சிறப்பு அழைப்பாளராக தலைமை செயற்குழு உறுப்பினர் கே வி ராஜ்குமார் கலந்துகொண்டு சேத்துப்பட்டு பேரூராட்சியில் உள்ள 18 வார்டுகளில் 19பூத் கமிட்டி முகவர்களுக்கு வாக்காளர் விவர பட்டியலை வழங்கி பேசினார். அவர் பேசுகையில்வரும் நாடாளுமன்றத் தேர்தலில் சேத்துப்பட்டு பேரூராட்சியில் உள்ள 18 வார்டுகளிலும் 19 கமிட்டி முகவர்கள் இன்று முதலே வாக்கு வங்கிகளை சிந்தாமல் சிதறாமல் நாடாளுமன்றத் தேர்தலில் திமுக கூட்டணி 40 இடங்களிலும் வெற்றி பெற கடுமையாக உழைக்க வேண்டும் என பேசினார்.