மின்சார சிக்கன விழிப்புணர்வு பேரணி

மின்சார சிக்கன வாரத்தை முன்னிட்டு சேலம் தெற்கு கோட்டத்திற்கு உட்பட்ட ஆட்டையாம்பட்டி மின்வாரிய அலுவலகத்தில் மின்சார சிக்கனம் மற்றும் பாதுகாப்பு குறித்து விழிப்புணர்வு ஊர்வலம் நடந்தது. சேலம் கோட்ட மேற்பார்வை பொறியாளர் தண்டபாணி கொடி அசைத்து தொடங்கி வைத்தார். ஊர்வலம் ஆட்டையாம்பட்டி மின்வாரிய அலுவலகத்தில் இருந்து புறப்பட்டு மகளிர் பள்ளி மெயின் ரோடு, ராசிபுரம் மெயின் ரோடு, ஆட்டையாம்பட்டி பஸ் நிலையம் வழியாக சென்று மீண்டும் மின்வாரிய அலுவலகத்தை அடைந்தது. ஊர்வலத்தில் மின்சாரத்தை பாதுகாப்பாக எப்படி பயன்படுத்துவது என்பது குறித்து பொதுமக்களுக்கு விழிப்புணர்வு துண்டு பிரசுரங்கள் வழங்கப்பட்டது. இதில் சேலம் தெற்கு செயற்பொறியாளர் அன்பரசன் உள்பட பலர் கலந்து கொண்டனர்.