பள்ளபாளையத்தில் கழிவு நீர் வடிகால் அமைக்க பூமி பூஜை: எம்எல்ஏ பங்கேற்பு

பள்ளபாளையத்தில் கழிவு நீர் வடிகால் அமைக்க பூமி பூஜை. எம்எல்ஏ பங்கேற்பு. கரூர் மாவட்டம், கிருஷ்ணமிராயபுரம் சட்டமன்ற தொகுதிக்குட்பட்ட, பள்ளபாளையம் ஊராட்சியில், 2023- 24 திட்டத்தில், 15 வது நிதி குழு மானியம் நிதியில், ரூபாய் சுமார் நான்கு லட்சம் மதிப்பீட்டில்,

கழிவுநீர் வடிகால் அமைக்க திட்டமிட்டு, அதற்கான பணியை மேற்கொள்ள பூமி பூஜை இன்று பள்ளபாளையம் பகுதியில், கிருஷ்ணராயபுரம் எம்எல்ஏ சிவகாமசுந்தரி தலைமையில் நடைபெற்றது. பூமி பூஜை நிறைவு பெற்ற பிறகு, அதற்கான பணிகளை துவக்கி வைத்தார் எம்எல்ஏ சிவகாமசுந்தரி. இந்த நிகழ்ச்சியில், தாந்தோணி ஊராட்சி மன்ற தலைவர் சிவகாமி வேலுச்சாமி, தாந்தோணி ஊராட்சி ஒன்றிய உறுப்பினர் அன்பரசு,

திமுக மாவட்ட துணை செயலாளர் பூவை. ரமேஷ் பாபு உள்ளிட்ட உள்ளாட்சி பிரதிநிதிகள், கட்சி நிர்வாகிகள், பொதுமக்கள் என ஏராளமானோர் கலந்து கொண்டு பூமி பூஜை விழாவை சிறப்பித்தனர்.