மேட்டூர் நகராட்சியில் அவசரக் கூட்டம்

மேட்டூர் நகராட்சியில் 30 வார்டுகள் உள்ளது. நகர்மன்ற கூட்டம் தலைவர் சந்திரா தலைமையில் இன்று அவசர கூட்டம் நடைபெற்றது.

இதில் 19 கவுன்சிலர்கள் பங்கேற்றனர். கூட்டத்தில் பேசிய அதிமுக கவுன்சிலர் கிருஷ்ணன் நகரமன்ற கூட்டத்தில் கவுன்சிலர்கள் முன்வைக்கும் கோரிக்கை எதுவும் நிறைவேற்றப்படுவதில்லை, கடமைக்காக கூட்டம் நடைபெறுவதாக குற்றச்சாட்டு தெரிவித்தார். விடுதலை சிறுத்தை கட்சியின் கவுன்சிலர் மாரியம்மாள் கூறுகையில் கடந்த 20 நாட்களாக எங்கள் பகுதிக்கு குடிநீர் விநியோகம் தடைபட்டது. இதனால் பொதுமக்கள் மிகவும் பாதிப்படைந்து வருகின்றனர் எனவே முறையாக குடிநீர் வழங்க வேண்டும் நகராட்சி நிர்வாகம் நடவடிக்கை எடுக்க வேண்டும் என கோரிக்கை வைத்தார்.