ஆங்கில சொற்கோவை உலக சாதனை நிகழ்ச்சி

தமிழகத்தில் கல்விக்கு பெயர்பெற்ற விருதுநகரில் க்ஷத்திரிய வித்யாசாலா ஆண்கள் ஆங்கிலப் பள்ளியில் (பீஹைவ் கம்யூனிகேசன் கிளப் மற்றும் விருதுநகர் டோஸ்ட் மாஸ்டர்ஸ் கிளப்) தனியார் கிளப் சார்பில் மாபெரும் நீண்ட நேர ஆங்கில சொற்கோவை (Vocabulary) மாரத்தான் நிகழ்ச்சி நடைபெற்றது.தமிழகத்தில் சென்னை,சேலம்,திருச்சி,கோவை. மதுரை உள்ளிட்ட 70 கல்வி நிறுவனங்களிலிருந்து 10 வயதிற்கு மேற்பட்ட 1000 மாணவர்கள் 1000 ஆங்கில வார்த்தைகளை,இடைவிடாது ஒவ்வொன்றாக அர்த்தம், எழுத்துக் கூட்டல் மற்றும் உச்சரிப்புடன் வெளிப்படுத்தினர்.

தொடர்ந்து 12 மணிநேரத்திற்கும் மேலாக நடைபெற்ற இந்த உலக சாதனை நிகழ்ச்சியை இந்தியன் புக் ஆப் ரெக்கார்ட்ஸ் இயக்குநர் கவிதா ஜெயின் பதிவு செய்தார்.இந்த சாதனை நிகழ்ச்சியின் மூலம் பள்ளி மற்றும் கல்லூரி மாணவர்களின் ஆங்கில உரிச்சொற்றொடர் புலமையும், ஆங்கில சொற்கோவையில் (Vocabulary) நல்ல மொழித் திறமைகளுடன் மேம்பட உறுதுணையாக இருக்கும் என நிகழ்ச்சி ஏற்பாட்டார்களான ஷியாம்ராஜ் மற்றும் ரேவதி தெரிவித்தனர்.இந்நிகழ்வு இந்திய சாதனை புத்தகத்தில் இடம் பெற்றது. அதற்கான சான்றிதழ் அனைத்து மாணவ மாணவியருக்கும் வழங்கப்பெற்றது.