ஆங்கில புத்தாண்டு; இருக்கன்குடி மாரியம்மன் கோவிலில் வழிபாடு

விருதுநகர் மாவட்டம் சாத்தூர் அருகே இருக்கன்குடி ஸ்ரீ மாரியம்மன் திருக்கோவில் தென் தமிழகத்தில் மிகவும் பிரசித்தி பெற்ற கோவிலாகும். இந்த கோவிலுக்கு தென் மாவட்டங்களை சேர்ந்த ஏராளமான பக்தர்கள் சாமி தரிசனம் செய்து வருகின்றனர் இந்த நிலையில் ஆங்கில புத்தாண்டு தினத்தை முன்னிட்டு ஸ்ரீ இருக்கன்குடி மாரியம்மன் திருக்கோவில் அம்மனுக்கு சிறப்பு அபிஷேகம் மற்றும் சிறப்பு பூஜை நடைபெற்றது. மேலும் இன்று ஆங்கில புத்தாண்டு தினத்தை முன்னிட்டு தென் மாவட்டங்களை சேர்ந்த பக்தர்கள் பாதயாத்திரையாக வந்து நீண்ட வரிசையில் நின்று இருக்கன்குடி ஸ்ரீ மாரியம்மன் சாமி தரிசனம் செய்தனர்.