பூந்தமல்லியில் எடப்பாடி பழனிச்சாமிக்கு உற்சாக வரவேற்பு

நாடாளுமன்ற தேர்தல் பிரச்சாரம் சூடு பிடித்துள்ள நிலையில் கட்சியின் சார்பில் இருக்கக்கூடிய வேட்பாளர்களை ஆதரித்து அக்கட்சியின் தலைவர்கள் பல்வேறு பகுதிகளில் தீவிர பிரச்சாரத்தில் ஈடுபட்டு வருகின்றனர். இந்த நிலையில் அரக்கோணத்தில் அதிமுக வேட்பாளரை ஆதரித்து அதிமுக பொது செயலாளர் பழனிச்சாமி தீவிர பிரச்சாரம் மேற்கொள்ள உள்ளார்.

இந்த நிலையில் அரக்கோணம் செல்வதற்காக பூந்தமல்லி வழியாக சென்ற அதிமுக பொது செயலாளர் பழனிச்சாமிக்கு பூந்தமல்லி நகரம் மற்றும் ஒன்றிய நிர்வாகிகள் சார்பில் சுமார் 100 க்கும் மேற்பட்ட அதிமுக நிர்வாகிகள் உற்சாக வரவேற்பு அளித்தனர். தேர்தல் நடத்தை விதிமுறைகள் அமலில் உள்ள நிலையில் தேர்தல் விதிமுறையில் அமலில் இருந்தாலும் கட்சித் தலைவர் தங்கள் பகுதி வழியாக சென்றாலும் அதை எல்லாம் கண்டு கொள்ளாமல் போட்டி போட்டுக் கொண்டு அதிமுகவினர் வரவேற்பு அளித்தனர் இதில் அதிமுக நிர்வாகிகள் ஏராளமானோர் உடன் இருந்தனர்.