சேலத்தில் தேசிய பசுமைப்படை சார்பில் சுற்றுச்சூழல் விழிப்புணர்வு போட்டி

சேலம் மாவட்ட பசுமைப்படை சார்பில் சுற்றுச்சூழல் தொடர்பான விழிப்புணர்வு போட்டிகள் அஸ்தம்பட்டி சி.எஸ்.ஐ. பாலிடெக்னிக் கல்லூரியில் நடந்தது. முதன்மை கல்வி அதிகாரி கபீர் தலைமை தாங்கினார். 200-க்கும் மேற்பட்ட மாணவ- மாணவிகள் கலந்து கொண்டனர்.

6 முதல் 9-ம் வகுப்பு வரை உள்ள மாணவ- மாணவிகள் பல்வேறு பிரிவுகளாக பிரிக்கப்பட்டு சுற்றுச்சூழல் தொடர்பான பேச்சு, ஓவிய போட்டிகள் நடத்தப்பட்டு மொத்தம் 90 பரிசுகள் வழங்கப்பட்டன. உதவி வன பாதுகாவலர் செல்வகுமார், அனைவருக்கும் கல்வி திட்ட அலுவலர் மாரியப்பன் ஆகியோர் போட்டிகளில் வெற்றி பெற்ற மாணவ- மாணவிகளுக்கு பரிசுகளை வழங்கினார்.

சேலம் மாவட்ட சூழல் மன்ற ஒருங்கிணைப்பாளர் செல்வம் உள்பட பலர் கலந்து கொண்டனர். நிகழ்ச்சி ஏற்பாடுகளை தேசிய பசுமைப்படை ஒருங்கிணைப்பாளர்கள் லோகநாதன் (சேலம்), ரகுநாத் (நாமக்கல்) ஆகியோர் செய்து இருந்தனர்.